壹電視出世 索天氣女陪睇

hmbb

                                                                                                                                                                                        [url=][/url]
                                                       

「一身是膽，我就是敢！敢說真話的電視台。」肥佬黎個 baby壹電視今日正式啟播。台灣國家通訊傳播委員會唔肯批出廣播牌照，肥佬黎決定改以數碼頻道形式推出壹電視，早幾日已向台灣民眾免費派發二千個機頂盒，來緊仲會送出十萬部。

暫時兩個頻道                                                                                                                                                                               
                                                                                                                        [url=][/url]                                                       
                               

大家唔好誤會呢班台灣民眾喺度輪米，佢哋係排隊索取免費壹電視機頂盒。

                                       
                                                                       
                                                               

壹電視暫時有兩個頻道，一個係新聞台，另一個係綜合台。新聞台唔止有新聞報道，仲有性感天氣女郎報天氣。綜合台主打電影，聽講話剛上畫嘅新片都有得睇。為咗呢個 baby，肥佬黎拍咗一系列廣告，以大肚形象，寓意壹電視有如新生嬰兒嘅生命來臨。
呢個 baby嘅出世可謂波折重重，壹傳媒行政總裁朱華煦話，佢哋曾經嘗試透過台灣現有電視頻道播放壹電視，但一輪斡旋之後，無線嘅電視台只有華視願意播，有線嘅就只有少數頻道肯播，有一家無線台上晝仲話同意播，下晝就反口。係唔係同業擔心競爭，朱總就不願猜測。
壹電視籌備經年，肥佬黎大舉招兵買馬，目前約有 800員工。為壯聲勢，壹電視請來台灣人氣偶像蕭敬騰製作開台台歌。台歌主旨係表達壹電視嘅創台精神──挖掘真相、冇嘢好怕。八方在此謹祝壹 baby快高長大、人見人愛。